Kështu ka bërë të ditur iniciuesi i këtij peticioni, Adnan Jashari i cili theksoi se çdo gjë është gati për të dorëzuar nënshkrimet në Kuvendin e Kosovës.
“Çdo gjë gati për neser, për të dorëzuar në Kuvendin e Republikës së Kosovës, Peticionin- Nismen Legjislative Qytetare me më shumë se 21 mijë nënshkrime për Projektligjin për Trustin. Nesër e premte, 15.07.2022, në ora 10:00 bashkë me të gjithë vullnetarët e angazhuar për mbledhjen e nënshkrimeve takohemi para Kuvendit të Kosovës dhe solemnisht dorëzojmë nënshkrimet e mbledhura”, thuhet ndër tjerash në njoftim.
Tutje, ai i ka ftuar të gjithë vullnetarët nga qytetet e Kosovës që kanë kontribuuar në mbledhjen e nënshkrimeve që të marrin pjesë në dorëzimin e nënshkrimeve./teve1.info/
