Presidenca e Kosovës e ka shpallur ditën e hënë ditë zie në Kosovë, raporton teve1.info
Njoftimin publik Presidenca e ka bërë përmes një postimi në Facebook, ku ka thënë se një vendim i tillë është marrë në mbështetje të Kushtetutës, në nderim të policit Afrim Bunjaku.
“Presidentja Vjosa Osmani e shpallë të hënën ditë zie shtetërore në nderim të policit të vrarë, Afrim Bunjaku
Presidentja e Republikës së Kosovës, Vjosa Osmani, në mbështetje të Kushtetutës së Kosovës, ka marrë vendim që dita e hënë, 25 shtator 2023, të shpallet ditë zie, shtetërore në nderim të policit Afrim Bunjaku, i vrarë në veri të vendit.
Zija shtetërore do të jetë gjatë ditës së hënë, ndërkaq Protokolli i Shtetit ngarkohet që t`i ndërmarrë të gjitha veprimet e nevojshme për zbatimin e këtij vendimi”, thuhet në njoftim.
