Për javën e dytë rresht, basketbollisti i Golden Eagle Yllit, Jalen Nesbitt është zgjedhur më i miri i javës.
Federata e Basketbollit të Kosovës (FBK), ka njoftuar të hënën se Nesbitt është shpallur “MVP i Javës” për xhiron e 24-t të Superligës.
Nesbitt pati indeksin më të lartë, pasi e udhëhoqi Yllin drejt fitores ndaj Sigal Prishtinës me 18 pikë, 15 kërcime e 5 asistime.
Po ashtu, Nesbitt ka zënë vend edhe në pesëshen më të mirë, pjesë e së cilës është edhe bashkëlojtari i tij, Lis Shoshi që ndaj Prishtinës regjistroi 15 pikë, 6 kërcime e 2 aasistime.
Në “Top 5” janë përfshirë edhe Dirk Williams i Bashkimit, Benas Griciunas i Pejës e Drilon Hajrizi i Trepçës.
Williams udhëhoqi Bashkimin me 22 pikë, 5 kërcime e 3 asistime në fitoren ndaj Proton Cable Prizrenit, Griciunas pati 13 pikë, 12 kërcime e 2 asistime në triumfin e Pejës ndaj Borës kurse Hajrizi me 14 pikë, 9 kërcime e 3 asistime ndihmoi Trepçën ta mposht Vëllaznimin.
