Lojtari i Golden Eagle Yllit, Jalen Nesbitt është zgjedhur basketbollisti më i mirë për xhiron e 23-t të Superligës së Kosovës që përfundoi të dielën mbrëma.
Nesbitt është shpallur “MVP i Javës” pas paraqitjes fantastike që e pati në fitoren e Yllit ndaj Trepçës në Suharekë.
Ylli mposhti Trepçën me shifrat 82:74 kurse Nesbitt ndeshjen e përfundoi8 me 16 pikë, 6 kërcime e 2 asistime.
Po ashtu, Nesbitt zuri vend edhe në pesëshen e xhiros, të cilën e përbëjnë Ëendell Green e Lejson Zeqiri të Bashkimit, Dardan Berisha i Pejës dhe Josh Nzeakor i Sigal Prishtinës.
Green pati 18 pikë, 2 kërcime e 6 asistime kurse Zeqiri shtoi 17 pikë, 5 kërcime e 6 asistime në fitoren e Bashkimit në Gjakovë ndaj Vëllaznimit me rezultatin 67:61.
Berisha realizoi 19 pikë, 6 kërcime e 2 asistime në triumfin e Pejës ndaj Proton Cable Prizrenit kurse Nzeakor me 16 pikë, 9 kërcime e 1 asistim ndihmoi Sigal Prishtinën ta mposht Borën.
