Ministri i Mjedisit, Planifikimit Hapësinor dhe Infrastrukturës, Liburn Aliu ka njoftuar se është dërguar në Komision Disiplinor të kësaj ministrie, nëpunësi civil, Nexhat Krasniqi, i sanksionuar kohë më parë nga Shtetet e Bashkuara të Amerikës, raporton teve1.info
Sipas një postimi në Facebook nga ministri Aliu, kërkesa për marrjen e masave disiplinore ndaj Krasniqit është dorëzuar të hënën në këtë Komision përmes zv. Sekretarit të kësaj ministrie.
“Përmes zv. Sekretarit të Ministrisë së Mjedisit, Planifikimit Hapësinor dhe Infrastrukturës, dje rreth orës 13:00, kemi dorëzuar tek Komisioni Disiplinor i Ministrisë, kërkesën për marrjen e masave disiplinore ndaj nëpunësit civil, Nexhat Krasniqi’, ka shkruar ministri Aliu, duke e bashkëngjitur në postim edhe vendimin e Ministrisë.
