Zv/ministri i Drejtësisë, Blerim Sallahu ka bërë të ditur se ka nënshkruar vendimin për pushim nga detyra të përmbaruesit privat Ilir Mulhaxha.
Sallahu ka shkruar se deri te ky vendim ka ardhur pas shkeljeve disiplinore të kryera nga Mulhaxha gjatë kryerjes së detyrave të tij.
ADVERTISEMENT
“Komisioni Disiplinor për Përmbarues Privat ka gjetur shkelje disiplinore pasi që i njëjti gjatë kryerjes së veprimeve përmbarimore në kuadër të aktivitetit të tij, nuk iu ka përmbajtur ligjit, në lëndën e përmbarimit, dhe si rrjedhojë është shqiptuar masa disiplinore, shkarkim nga detyra”, thuhet në një njoftim.
Vendimin për shkarkim të Mulhaxhës e kishte marrë ministrja Haxhiu në fillim të këtij viti.
