Ministria e Financave ka njoftuar se të hënën është nënshkruar marrëveshja prej 35 milionë eurosh për ndërtimin e impiantit për trajtimin e ujërave të zeza në Podujevë.
Sipas njoftimit ky impiant parashihet që të ju shërbejë rreth 50 mijë qytetarëve, të kontribuojë në reduktimin e ndotjes, të ndërtojë sisteme për mbrojtjen nga përmbytjet si dhe një impiant pilot për trajtimin e ujërave të ndotura të fshatrave.
“Gjatë fjalës së tij, Ministri Murati theksoi se Qeveria e Kosovës tashmë ka zbatuar një sërë projektesh me qëllim mbrojtjen e mjedisit me qëllim garantimin e mirëqenies së qytetarëve, siç janë për shembull projektet për trajtimin e ujërave të zeza në Prishtinë, Ferizaj, Gjilan dhe Mitrovicë”, thuhet në njoftim.
Më tej bëhet e ditur se projekti është bashkëpunim ndërmjet Qeverisë së Kosovës, Bankës Evropiane për Rindërtim dhe Zhvillim (BERZH) dhe Kompanisë Rajonale të Ujësjellësit “Prishtina dhe përfshin financim 25 milionë euro nga BERZH si dhe një financim shtesë nga Korniza Investive e Bashkimit Evropian për Ballkanin Perëndimor.
