E nënshkrimet e serbëve që e kanë nënshkruar peticionin për shkarkimin e kryetarëve aktual janë ende në fazën e verifikimit në Komisionin Qendror Zgjedhor. Madje për to, nuk ka ndonjë afat se sa do të zgjasë ky verifikim. Nga kjo dinamikë që merr kohë, njohësit e politikës thonë se ka gjasa që të mos ketë zgjedhje të parakohshme në veri, por ato të mbahen vitin e ardhshëm si të rregullta.
Këto nënshkrime të serbëve në veri janë ende në fazën e verifikimit në Komisionin Qendror të Zgjedhjeve.
Por ky proces nuk dihet se kur do të përfundoj.
Sipas zëdhënësit të KQZ-së, Valmir Elezi kjo procedurë do të marrë kohë pasi të dhënat janë në format fizik.
“Pas përfundimit të verifikimit të nënshkrimeve të mbledhura, do të përgatisim një raport për çdo komunë dhe do të njoftojmë ministrinë, kryesuesit e kuvendeve komunale, kryetarët e komunave dhe grupet nismëtare”, tha zëdhënësi i KQZ-së, Valmir Elezi.
Kurse njohësi i çështjeve politike, Dorajet Imeri konsideron që me këtë dinamikë nuk do të kemi zgjedhje të parakohshme në veri sivjet.
Edhe profesori universitar Mazllum Baraliu, thotë se ky proces mund të zgjasë disa muaj.
Megjithatë Baraliu vlerëson që nëse ka vullnet prej serbëve në ato anë, zgjedhjet mund të organizohen edhe këtë vit.
Më 25 janar, kryetarët e kuvendeve komunale të Mitrovicës së Veriut, Zvecanit dhe Leposaviqit kanë dorëzuar nënshkrimet e serbëve në veri të vendit në Komisionin Qendror të Zgjedhjeve në Prishtinë.
