Llapi i ka dhënë fund aventurës në këtë garë në raundin e parë kualifikues pasi u mposht me rezultatin e përgjithshëm 4:1 nga skuadra polake, Wisla Krakow.
Pas humbjes javën e shkuar në Poloni me shifrat 2:0, Llapi u mposht edhe të enjten pasdite në Podujevë, 1:2 rezultat ky që dërgoj tutje polakët.
Wisla kaloi në epërsi e para, me golin e shënuar nga Angel Rodado që realizoi me kokë pas harkimit të Bartosz Jaroch në minutën e 58-të.
Pas golit të pranuar, Llapi nuk u dorëzua dhe arriti të barazoj shifrat nëpërmjet Ardit Tahirit që realizoi në minutën e 74-të.
Por në kohën shtesë greku Janis Kokas shënoj në një kundërsulm të skuadrës mysafire për rezultatin final 1:2.
Përkundër eliminimit nga Liga e Evropës, Llapi aventurën evropiane do ta vazhdoj në Ligën e Konferencës. Në raundin e dytë kualifikues të kësaj gare, Llapi do të përballet me Brondbyn e Danimarkës.
