“Shtetit ia dorëzova 15-vjeçar, shteti e mbajti 23 vjet”, ka thënë Shahrije Hajrizi nëna e Faton Hajrizit, gjatë një interviste të dhënë së fundmi pas dyshimit së vrasjes së Fatonit në Serbi.
Ajo ka deklaruar se tani po arrestohen personat me të cilët Hajrizi qëndronte në vikende.
Policia e Kosovës ka arrestuar dy persona që dyshohen se e kishin ndihmuar Faton Hajrizin pas arratisjes nga burgu.
Ajo ka shtuar se shteti nuk iu ka shprehur as edhe një ngushëllim.
“Nuk ka ikur nga dhoma ime, apo banesa, por nga shteti. Asnjë shkrim, asnjë ngushëllim nuk na kanë bërë. Më e keqja është se personat me të cilët kanë nejtë në vikend janë duke i arrestuar. Shteti jonë…”, ka thënë ajo.
Më tutje ajo ka deklaruar se nuk kanë asnjë informacion sesi Faton Hajrizi ka shkuar në Serbi.
“Ato si ka shkuar në Serbi, nuk kemi dijeni, as qysh ka ndodhur, as si ka shku, as qysh u hi, asgjë, absolut”, ka thënë ajo.
Tutje, ajo ka folur për mënyrën sesi është trajtuar në burgje djali i saj.
“E kam ditur si është trajtuar si 15-vjeçar në burgjet me të rënda, e kam ditur ku është mbajtur me njerëz me 30 vjet të dënuar 35. E kam ditur kur e kam parë të lidhur me zinxhir në tri vende”, ka thënë ajo për Euronews Albania.
