Mijëra të krishterë u mblodhën në kishën shpellore të Varrit të Shenjtë për një ceremoni shekullore të Zjarrit të Shenjtë në Jeruzalem.
Duke mbajtur qirinj të pandezur, ata u futën në bazilikën e shekullit të 12-të, e ndërtuar në vendin ku, sipas traditës, u kryqëzua dhe u varros Jezusi.
Në errësirë pothuajse të plotë, patriarku grek hyri në Edikulën e Shenjtë dhe doli me dy qirinj të ndezur. Flaka kalohej nga një qiri në tjetrin, drita mposhti errësirën në rotondë. Kjo ceremoni daton të paktën 1200 vite më parë.
Flaka më vonë u transferua në komunitetet ortodokse në vende të tjera me fluturime speciale.
Autoritetet izraelite kanë kërkuar të kufizojnë pjesëmarrësit në vitet e fundit, duke përmendur shqetësimet e sigurisë. Kjo ka shkaktuar protesta nga krerët e kishës, të cilët i kanë akuzuar ata për prishjen e rregullimeve delikate dhe të pashkruara rreth vendeve të shenjta të Jeruzalemit të njohura si status quo.
Të shtunën, pati një prani të madhe ushtarake ndërsa mijëra besimtarë kaluan nëpër postblloqe izraelite për të hyrë, sipas raportimit të Al Jazeera.
Por, në po të njëjtën ditë, këtë vit festojnë Pashkët edhe të krishterët katolik, megjithëse pa kryesimin e Papa Françeskut, i cili po vazhdon shërimin e tij nga një periudhë gati fatale e pneumonisë së dyfishtë.
Në vend të tij, kardinali Angelo Comastri, kryeprifti në pension i Bazilikës së Shën Pjetrit, kremtoi meshën në ajër të hapur para mijëra njerëzve në sheshin e Shën Pjetrit dhe mbajti predikimin që Françesku kishte përgatitur.
Pashka është momenti më i gëzuar në kalendarin liturgjik të krishterë, kur besimtarët kremtojnë ringjalljen e Krishtit pas kryqëzimit të tij.
