Anëtarët e Komisionit për Çështje të Sigurisë dhe Mbrojtjes, bashkë me Komisioneren parlamentare për Forcën e Sigurisë së Kosovës, Remzie Zeqiraj, kanë realizuar takimin e parë me Komisionin e përhershëm për Punë të Jashtme dhe Mbrojtjes të Parlamentit Norvegjisë, për hartimin e Rregullores së punës së komisionerit për FSK. Deputetët Enver Dugolli nga LVV dhe ai i PDK, Hisen Berisha thanë se ky takim është mëse i duhur në rrugën drejtë anëtarësimit të Kosovës në NATO. Pjesë e këtij takimi ishte dhe deputeti nga LDK, Anton Quni.
Deputet nga pozita e opozita vizitën e parë së bashku e bënë në Norvegji.
Kjo vizitë u bë bashkë me Komisioneren e parlamentit të Kosovës për FSK, Remzie Zeqiraj, e që takuan anëtarët e Komisionit të përhershëm për Punë të Jashtme dhe Mbrojtje në Parlamentin e Norvegjisë.
Ky takim i parë midis dy Komisioneve, erdhi për hartimin e Rregullores së Komisionerit të FSK-së, duke u kërkuar edhe përkrahja nga Norvegjia.
“Kjo është një vizitë pune, studimore e cila do të na ndihmoi shumë për finalizimin e rregullores për komisioneren dhe kemi pas një takim me Ombusit për Forcat e Armatosura të Norvegjisë, Roan Linaker i cili ka një provojë të jashtëzakonshme në këtë fushë dhe imputet e tij janë të mirëseardhura që ne ta finalizojmë këtë rregullore, edhe këtë proces dhe funksionalizojmë zyrën e komisioneres”, ka thënë deputeti i VV-së, Enver Dugolli.
Sipas Dugollit, ky bashkëpunim ka rol kyq në politikën e jashtme për vendin tonë për anëtarësim në NATO.
“Ka një ndikim të jashtëzakonisht të madh edhe në politikën e jashtme sidomos në këto procese që po kalon Kosova, ndihma e tyre për anëtarësim në NATO dhe avancuar në programe të veçanta , është e një rëndësie të vecantë”, tha ai.
Ndërkaq deputeti, Hisen Berisha nga PDK, tha se kanë ngritur temën edhe për sulmin e Banjskës, për çka tha se Norvegjia është karshi Kosovës për të kërkuar përgjegjësi nga Serbia.
“Ne i vumë në pah zhvillimet në veri të Kosovës, margjinalizimin e atyre grupeve kryesisht serb, edhe edhe aktin terrorist që eskaloi dhe tani papërgjegjësia e Serbisë që të veproi, dhe bashkëveproi qoftë me me partnerët ndërkombëtar qoftë me ne. Kemi një qëndrim pozitiv, dhe kemi një mbështetje nga Norvegjia në procesin e mëtejmë, tani varet edhe nga veprimet e institucioneve të Kosovës”, deklaroi Berisha.
Komisionerja e parlamentit të Kosovës për FSK, Remzie Zeqiraj ka bërë të ditur se ky bashkëpunim do të intensifikohet edhe më shumë, në aspektin e Sigurisë.
