Namazi i Fitër Bajramit është falur edhe në Sindelfingen. Nën organizimin e qendrës islame shqiptare të Böblingen/ Sindelfingen në faljen e namazit morën pjesë rreth 600 persona.
Nga kjo qendër kanë thënë se falja e namazit të Fitër Bajramit ishte një moment i veçantë, duke falënderuar të gjithë ata që morën pjesë.
“Me rastin e Fitër Bajramit, xhemati ynë u bashkua për të festuar këtë ditë të shënuar me lutje, falënderime dhe gëzim. Ishte një moment i veçantë, ku të gjithë u mblodhëm për të festuar dhe për të ndarë gëzimin e kësaj dite të shenjtë. Allahu na bekoftë me paqe, begati dhe harmoni! Faleminderit të gjithë që ishit pjesë e këtij momenti dhe që kontribuat për një atmosferë të ngrohtë dhe të dashur. Shpërndajmë foto të xhematit tonë të dashur, për të kujtuar këtë moment të paharrueshëm. Gëzuar Fitër Bajramin, Allahu ju pranoftë veprat”, thuhet në postimin e qendrës.
