Shërbimi Spitalor Klinik dhe Universitar i Kosovës ka njoftuar se në Klinikën e Kirurgjisë Torkale, për herë të parë është lëshuar në punë aparatura e re Nuss, procedurë e cila realizohet me Vats (intervenim kirurgjik në gjoks).
Bëhet e ditur se tashmë janë realizuar dy operacione, duke i kursyer buxhetit të shtetit qindra e mija euro.
“Klinika e Kirurgjisë Torkale, e Qendrës Klinike Universitare të Kosovës, njofton opinionin publik, se aparatura e re Nuss- Procedurë, e cila realizohet me Vats (intervenim kirurgjik në gjoks), për herë të parë, është lëshuar në punë ditën e djeshme. Përmes aparaturës së re, për herë të parë në Kosovë janë realizuar dy operacione, duke i kursyer buxhetit të shtetit qindra e mija euro”, thuhet në njoftim.
Tutje thuhet se për procedurën Nuss, pacientët deri ditën e djeshme, janë referuar për trajtim jashtë institucioneve publike shëndetësore.
Derisa sipas SHSKUK-së, aparatura e re moderne, e lëshuar në punë ditën e djeshme, i plotëson të gjitha kushtet për intervenime kirurgjike në gjoks./teve1.info./
