Në njoftimin e ShSKUK-së thuhet se pacienti ishte i therur me thikë në shpinë dhe kishte pësuar lëndim të Aortës së gjoksit, kurse pas mobilizimit të ekipeve kujdestare dhe operacionit që ka zgjatur disa orë është arritur ti shpëtohet jeta, shkruan Teve1.info.
“Puna ekipore e mjekëve të disa klinikave të Qendrës Klinike Universitare të Kosovës, nën udhëheqjen e kirurgut vaskular, anesteziologut, kirurgut torakal, kardiokirurgut dhe ekipit përcjellës ka shpëtuar jetën e një 55 vjeçar të therur me thikë” thuhet në njoftim.
Po ashtu SHSKUK ka bërë të ditur se në QKUK është hera e parë që kryhet ky lloj i intervenimit të rëndë ku sipas tyre lëndimet e tilla në shumicën e rasteve janë fatale për pacientin.
