Dy punëtorë është raportuar se kanë pësuar lëndime gjatë orarit të punës, në Prizren e Rahovec.
Në fshatin Korish të Prizrenit sipas PK-së punëtori ka rënë nga një lartësi, ku më pas është dërguar për tretman mjekësor.
“Viktima mashkull kosovar derisa ishte duke punuar, dyshohet se ka rënë nga një lartësi. Viktima është dërguar për tretman mjekësor ndërsa në vendin e ngjarjes kanë dalë njësitet përkatëse policore dhe Inspektori i Punës”, thuhet në raport.
Ndërsa për rastin në Rahovec, është bërë e ditur se punëtori ka pësuar lëndime dhe është dërguar në Spitalin e Gjakovës.
“Rahovec 30.01.2023-15:30. Raportohet se viktima mashkull kosovar derisa ishte duke punuar ka pësuar lëndime. Viktima është dërguar në Spitalin e Gjakovës, ndërsa në vendin e ngjarjes kane dalë njësitet përkatëse policore dhe Inspektori i Punës”, thuhet në raport./teve1/
