Kombëtarja shqiptare pati në stërvitjen e radhës dy vizitorë të veçantë. Ish-trajneri i Kombëtares, Arie Hann dhe ish-futbollisti i njohur holandez, Rud Krol u takuan me trajnerin Sylvinho, stafin teknik të Kombëtares si edhe me disa nga futbollistët kuqezi dhe shkëmbyen disa batuta.
Gjatë bashkëbisedimit, Ari Han dhe Rud Krol i uruan trajnerit Sylvinho dhe lojtarëve suksese në sfida e tetorit dhe në kualifikueset e Botërorit 2026. Gjithashtu, ata patën mundësi të vizitonin ambientet e Shtëpisë së Futbollit dhe të njihen me muzeun e futbollit.
Arie Han dhe Rud Krol ndodhen në Tiranë për të marrë pjesë në eventin që do të zhvillohet sot në mjediset e stadiumit “Air Albania”, duke nisur nga ora 11:00.
Ky event që organizohen në bashkëpunim mes Federatës Shqiptare të Futbollit dhe Ambasadës së Holandës në Shqipëri, çel Javën Kulturore Holandez në Shqipëri dhe përkon me 55 vjetorin e marrëdhënieve diplomatike të dy vendeve.
Ky event do të ketë në fokus një ndeshje legjendare futbolli. Në vitin 1970, klubi holandez Ajaks luajti kundër 17 Nëntorit, dhe ndeshja përfundoi në një barazim historik 2-2 në atë që mbahet mend si një nga duelet më të famshme të futbollit në epokën komuniste të vendit.
Dy ish-futbollistët holandezë, Arie Han dhe Rud Krol, ishin pjesë të Ajaksit të famshëm dhe luajtën në atë ndeshje ndaj klubit kryeqytetas. Eventi parashikon një konferencë për mediat me pjesëmarrjen e Presidentit të FSHF, Armand Duka si edhe një ekspozitë me foto dhe arkiva të asaj ndeshjeje.
