Vizitat në Klinikën e Onkologjisë i ka të shpeshtëa.
Por jo vetëm për tu kontrolluar, por edhe për të shpërndarë dhurata siç është duke bërë sot Arnisa Osmani.
46 vjeçarja e cila edhe vet kohë më parë ka qenë paciente e kësaj klinike, kur ballafohej me sëmundjen e kancerit në gji, tregon se çfarë do të thotë mbështetja e tillë për këto gra.
“Mjafton ndodhsha edhe një bonbone me ia dhënë, sidomos që është duke e marrë në momentin kimioterapinë i vije mirë, i vije mirë që dikush nuk e ka harru. Unë kënaqna me pacientë kur fillojnë të flasin edhe të buzëqeshin. Kur ne e dimë se si ti motivojmë”, thë Arnisa Osmani nga “HAVE HOPE KOSOVA”.
E në prag të ditës së gruas, Osmani vendosi së bashku me një kompani tjetër të shpërndaj dhurata e me to edhe mesazhe për të prekurit nga kanceri.
“Kësaj here pasi që po afrohet 8 marsi, nuk është që po festojmë mirëpo ka mbet si një ditë simbolike për gratë edhe vendosëm që këtë ditë ta shfrytëzojmë që nuk do të ndalemi e do të ketë edhe javën e ardhshme. Kur dikush i thotë kancer, kanceri nuk do të thotë fatalitet. Se gjithmonë në fund të tunelit është një dritë edhe ne gjithmonë duhet të shkojmë ta përcjellim atë dritë. Motivi dhe vullneti njerëzit pozitiv përreth nesh ata na mbajnë, por e para është njeriu me pas vetë motiv për jetën se jeta është e mirë”, thotë ai.
Ndërsa se iniciativat e tilla janë të mirë së ardhura e thotë edhe Ilir Kurtishi drejtor i Klinikës së Onkologjisë.
“Është një gjest shumë i mirë, gjest human i cili bëhet nga Organizatat e Ndryshme dhe Kompanitë e ndryshme dhe sidomos rol të veçantë luajnë organizatorët e që në këtë rast pasi që është Arnisa njëra nga to e cila edhe vet ka qenë e prekur me kancer të gjirit e tash ka themeluar një OJQ që ndihmon shumë femrat me kancer të gjirit e në përballimin e kësaj sëmundje dhe jo vetëm ajo por edhe të tjerat dhe vazhdon punë e mirë e të mrekullueshme”, shprehet Kurtishi.
E nga kompani që janë shpërndarë dhuratat treguan se çfarë do të thotë mbishkrimi në paketimin e tyre.
“Këto janë disa dhurata modeste me mesazhin Refusin to Sink, që është refuzo të fundosësh. Mesazhi është simbol i forcës guximit dhe shpirtit luftarak, i grave që e kanë këtë sëmundje me kancer të gjirit”, thotë Venera Sojeva.
Dhuratat e tilla për pacientet e shtrirë në Klinikën e Onkologjisë nuk do të ndalen thonë organizatorët e kësaj ngjarjeje.
