Në pikë kalimin kufitar në Jarinjë lëvizja e qytetarëve për në territorin e Serbisë po zhvillohet normalisht.
Kështu ka bërë të ditur zëvendësdrejtori i policisë për rajonin e veriut, Veton Elashani.
“Në Jarinjë ka qarkullim pa problem”, tha Elshani./teve1.info/
Ndryshe, të premten janë mbyllur nga protestuesit serbë pikë kalimet kufitare Merdarë, Bërnjak e Jarinjë, ku aty u panë edhe disa njerëz të maskuar.
Ky bllokim i pikëkalimeve kufitare në anën serbe mes Serbisë dhe Kosovës u paralajmërua ditë më parë nga njerëz Serbi, si shenjë proteste ndaj zhvillimeve të kohëve të fundit në veri të Kosovës – pjesë e banuar me shumicë serbe.
Të mërkurën, Ministria e Punëve të Jashtme dhe Diasporës e Kosovës (MPJD) u ka bërë thirrje shtetasve të Kosovës dhe mërgatës kosovare t’i shmangin pikëkalimet kufitare mes Kosovës dhe Serbisë gjatë udhëtimeve të tyre transit.
Javën e kaluar, Qeveria e Kosovës i mbylli pesë institucione paralele serbe në katër komunat me shumicë serbe, për të cilat tha se vepronin në kundërshtim me ligjet dhe kushtetutën e vendit./teve1.info/
