Braziliani i Real Madridit, Vinicius Junior, sot pritet ta konfirmoj formën e mirë që e ka kaluar përgjatë këtij viti me fanellën e skuadrës së Real Madridit.
Sulmuesi i krahut, pritet të kurorëzohet me çmimin “Topi i Artë”, i cili ndahet për lojtarin më të mirë të këtij viti.
Ceremonia e edicionit të 68-t të “Topit të Artë”, do të mbahet sot në Paris prej orës 20:45 ka njoftuar UEFA që e ndanë këtë çmim në bashkëpunim me revistën e njohur franceze “France Football”.
24- vjeçari, këtë vit ishte i pandalshëm me Realin, ku ishte njëri nga protagonistët kryesor në fitimin e Ligës së Kampionëve dhe La Ligan.
Vini, ka realizuar 26, teksa ka dhuruar edhe 11 asistime, ndërsa shënoi edhe golin vendimtar në finalen e Championsit.
Braziliani në listën e “Topit të Artë” ndiqet nga Rodry dhe bashkëlojtari i tij te Reali, Jude Bellingham, nërsa edhe Granit Xhaka është në listën e të nominuarve.
Ai synon të bëhet braziliani i parë që nga Leita Kaka në 2007 që fiton këtë çmimin dhe vetëm lotari i tretë që nuk quhet Lionel Messi apo Cristiano Ronaldo që e ka rrëmbyer “Topin e Artë” që nga viti 2008.
Kujtojmë se vitin e kaluar këtë çmim e fitoi Lionel Messi, i cili ka fituar hiq më pa se tetë herë duke vendosur rekord.
Në ceremoninë e “Topit të Artë” do të ndahen edhe çmimet tjera, por kryesori është ai për futbollistin më të mirë të vitit.
