Për shkak të mungesës së ministrit të Shëndetësisë, ka dështuar të shqyrtohet raporti i auditimit për pasqyrat financiare të Ministrisë së Shëndetësisë. Opozita në Komisionin për Mbikëqyrjen e Financave Publike nuk është pajtuar të shqyrtojë këtë raport pa prezencën e ministrit Rifat Latifi.
Për shkak të mungesës së ministrit ë Shëndetësisë, ka dështuar të shqyrtohet raporti i auditimit për pasqyrat financiare të MSh-së, raporton teve.info.
Opozita në Komisionin për Mbikëqyrjen e Financave Publike nuk është pajtuar të shqyrtojë këtë raport pa prezencën e ministrit Rifat Latifi.
Komisioni ka vendosur që ky raport të shqyrtohet në seancë plenare. Me këtë është pajtuar edhe anëtari i LVV-së, Eman Rrahmani. “Ne kërkojmë llogari dhe këtu duhet të jetë niveli i ministrave”, ka thënë ai.
Po ashtu edhe deputetja Albana Bytyqi ka deklaruar se mungesa e ministrit në komision tregon neglizhencën për llogaridhënie.”Po e marr shqetësuese mungesën e ministrit këtu. Nëse vazhdohet të shqyrtohet raporti, unë nuk do të marr pjesë në komision”, ka thënë ajo.
Komisioni për Mbikëqyrjen e Financave Publike po shqyrton raportin e auditimit për pasqyrat financiare të Shërbimit Spitalor dhe Klinik Universitar të Kosovës për 2021, ku po raporton drejtori i SHSKUK-së, Valbon Krasniqi.
