Një grafit me mbishkrimin “Kur ushtria të kthehet në Kosovë” dh të ngjyrosur me ngjyrat e flamurit serb është shfaqur të hënën në oborrin e Shkollës Teknike në Mitrovicë të Veriut, raporton teve1.info
Lajmin për teve1 e ka bërë të ditur zëvendësdrejtori i Policisë për Rajonin e Veriut, Veton Elshani.
Ai tha se për këtë mbishkrim Policia është njoftuar përmes medieve sociale, derisa ka shtuar se deri më tani nuk ka asnjë zhvillim tjetër.
Ai tha se policia ka dalë në vendin e ngjarjes dhe po konsultohet me prokurorin për këtë rast.
Që nga fundi i korrikut, grafite me mbishkrim të tillë janë shfaqur në Beograd dhe qytete të tjera në Serbi. Një grafit i tillë është parë në gushtë edhe në Banja Llukë të Bosnje e Hercegovinës.
