Por ani pse ishte ditë pushimi këtë hënë, Dita e Kushtetutës së Republikës së Kosovës ishte më 9 prill.
E ky pushim, po del i mirëpritur për disa qytetarë.
Por, ka edhe të tillë që po mendojnë ndryshe.
Ndërkohë, njohësi i protokollit shtetëror, Tomor Avdijaj, thotë se ligji për festat zyrtare duhet të ndryshohet.
“Ky ligj duhet që sa më shpejt të ndryshohet, dhe kjo i bën mirë jo vetëm vet qytetarëve por edhe administratës dhe vet funksionalizimit të shtetit dhe institucioneve”, tha Tomor Avdijaj, njohësi i protokollit shtetëror.
Avdijaj ka shtuar se ky ligj ka edhe mangësi të tjera.
“Kur janë festat zyrtare psh të shumicës që janë, myslimanët e festojnë veç një ditë, e të tjerët e festojnë tre ditë, edhe kjo është një pjesë diskriminuese e këtij ligji… Një pjesë e ligjit që shkon në kundërshtim me të gjitha vendet e rajonit, duke përfshirë këtu edhe vendet e BE-së”, shtoi ai.
Përveç kësaj në muajin prill punëtorët e sektorit publik do të pushojnë edhe dy të hëna të tjera.
Raporti i gazetares Albiona Hajdari.
