Kryetari i Komunës së Podujevës, Shpejtim Bulliqi ka njoftuar se ka filluar procesi i vaksinimit me HPV, kundër kancerit të qafës së mitrës tek vajzat.
Bulliqi ka shkruar se së bashku me ministrin e Shëndetësisë, Arben Vitia, drejtorin e IKSHPK-së, Naser Ramadani, deputetin Vendenis Lahu, drejtorët Adelina Stublla e Avni Fetahu si dhe menaxhmentin e QKMF-së si dhe personelin mjekësor kanë qenë në shkollën fillore në fshatin Letanc, për të përcjellur nga afër procesin e vaksinimit me HPV të vajzave.
Tutje, ai ka apeluar të gjithë prindërit, që t`i inkurajojnë vajzat e tyre që të marrin vaksinën sa më shpejtë.
“Vakisinimi me HPV është vërtetuar se parandalon kancerin e qafës së mitrës tek vajzat, prandaj vaksinimi është i domosdoshëm tek secila vajzë e re. Apeloj tek të gjithë prindërit që të inkurajojnë vajzat e tyre për ta marrë vaksinën sa më shpejtë.
Më mirë parandalim, sesa mjekim!”, shkroi Bulliqi në Facebook.
