Katër komunat veriore të vendit së shpejti do të hyjnë nën menaxhimin e Kompanisë Rajonale Mitrovica.
Kjo pasi që KRU Mitrovica ka arritur marrëveshje me katër kryetarët, ate te Zubin Potokut, Leposaviqit, Zveçanit e Mitrovicës së Veriut për të kontrolluar ujin e pijes por edhe inkasimin e pagesave nga konsumatorët.
Qytetarët e komuniteti serb në Zubin Potok thanë për Tëvë1 se nuk kanë informacion për marrëveshjen por.
Megjithatë, ata thonë se duhet të paguhet shpenzimi i ujit.
“Nuk e di për çfarë marrëveshje bëhet fjalë, unë jetoj në Bernjak në një fshatë e kam ujin me rënie të lirë, por çfarëdo që është, çdo shpenzim përfshirë edhe i ujit, nëse harxhohet duhet të paguhet”, deklarohet një qytetar serb.
Kryetari Izmir Zeqiri tha se ky vendim është i duhur për qytetarët meqë uji në këtë zonë është i pakontrollueshëm tash e shumë kohë.
“Kjo marrëveshje mundëson shumë gjëra që do të thotë çështje jetike për qytetarët. Drejtoria regjionale ka kapacitetet teknike edhe për furnizimin me ujë, për mirëmbajtjen por mbi të gjitha ajo çfarë është esenciale do të thotë për kontrollin e përditshëm edhe të përhershëm të ujit të pijshëm. Shembull në komunën e Zubin Potokut nuk dihet nuk kemi mostra se çfarë uji po pihet”, tha Zeqiri.
Ai shtoi se shumë shpejt do të bëhet edhe regjistrimi i matësve të shpenzimit nëpër shtëpitë e qytetarëve.
“Bëhen regjistrimet, bëhet gjithçka nën kontroll rrjetet, natyrisht ashtu sic është rryma dhe shërbimet e tjera edhe kësaj do t’i vije koha, është mirë që është një marrëveshje me mekanizmat kredibil të mirëmbajtjes të furnizimit dhe testimeve”, tha ai.
E këtë ujdi e kanë mirëprit edhe banorët e Mitrovicës së Veriut nga radhët e komuniteti shqiptar.
Afrim Peci tha se për 25 vite serbët nuk kanë paguar shpenzimet e ujësjellësit.
“Si gjitha shpenzimet e tjera, askund nuk ka ujë pa pare dhe rrymë edhe qe 25 vite nuk kanë paguar mjaftë më. Është dashtë me ardhë kjo kohë që moti, qysh moti me fillu nuk e di qysh i kanë tolerua kaq gjatë e më në fund ka ardhë koha që edhe këta me pagua mos me pagu jugu për veri”, tha banori i veriut, Afrim Peci.
Kryesuesi i kuvendit komunat në këtë komunë, Nexhat Ugljanin deklaroi se kuvendi do ta miratoj këtë marrëveshje.
“Këtu ka funksioni sipas strukturave paralele një ndërmarrje publike jo një por edhe tjera ndërmarrje publike. Sigurisht që marrëveshjen që e ka nënshkruar kryetari, sigurisht në kuadër të asaj marrëveshje do të vjen momenti që çdo ndërmarrje publike duhet me hy nën ombrellën komunale sigurisht që ne si kuvend do ta marrim vendimin në momentin që na vjen kërkesa nga kryetari”, tha Ugljanin.
Në njoftimin zyrtar në rrjetin social facebook, Kompania Rajonale e Ujësjellësit kanë bërë të ditur se qëllimi i nënshkrimit të marrëveshjes, është për cilësinë e ujit që ofrohet, sigurimi i ujit të pastër e të sigurt për konsumatorët de sasia e ujit dhe shërbimi 24/7.
Gjithashtu në kuadër të kësaj marrëveshje hynë edhe inkasimi i pagesave nga konsumatorët dhe investimet për përmirësimin e infrastrukturës.
