Një person është arrestuar të mërkurën në Prishtinë pasi që i njëjti dyshohet se në gjendje të dehur gjatë drejtimit të veturës së tij kishte shkaktuar vet-aksident.
Sipas raportit të policisë, i dyshuari ka dëmtuar dy shtylla anësore.
Policia ka bërë të ditur se të dyshuarit i është bërë alkool-testi dhe ka rezultuar me 1.39 promil.
“Prishtinë 30.10.2024 – 23:30. Është arrestuar i dyshuari mashkull kosovar, për shkak se në gjendje të dehur gjatë drejtimit të veturës me targa vendore kishte shkaktuar vet-aksident dhe si pasojë ka dëmtuar dy shtylla anësore të rrugës. Të dyshuarit i është bërë matja e alkoolit me alkool-test dhe ka rezultuar 1.39 promil. I dyshuari me vendim të prokurorit është dërguar në mbajtje”, thuhet në raport./teve1.info/
