Në këtë vikend fillon xhiro e katërt e Superligës së Kosovës në basketboll.
Dita e shtunë na karakterizon me vetëm një ndeshje, sepse derbi në mes Trepçës dhe Prishtinës është shtyer për shkak të angazhimit të dyja klubeve në garat evropiane.
Ndeshja e ditës së sotme është ajo në mes skuadrës së Bashkimit dhe Rahovecit, ballafaqimi fillon nga ora 17:00 në palestrën “Sezai Surroi”.
Si ekipi i Raduloviçit po ashtu dhe ekipi I Mujo Thaqit kan nga një fitore dhe dy humbje në ndeshjet e para, e tashmë të dy ekipet luftojnë për një fitore të dytë.
Skuadra e Bashkimit ndodhet në pozitën e katërt kurse Rahoveci në të 5-tën me nga 4 pikë secila.
Në xhiron e parë portokall e zinjët shënuan fitore me Vllaznimin, në xhiron e dytë humbën në transferë në Mitrovicë dhe në xhiron e tretë pësuan në derbin lokal me Ponte Prizrenin.
Vreshtarët në xhiron e parë shënuan fitore ndaj kampionit në fuqi G.E. Ylli, kurse në xhiron e dytë pësuan nga Vllaznimi, dhe në xhiron e tretë pësuan si vendas nga Trepça.
Skuadra e Bashkimit ka mesataren me më së paku pike të shënuara në Superligë me 69.5 pikë për ndeshje për dallim nga Rahoveci që i pri kësaj randitje me 88.5 pikë të shënuara për ndeshje.