Temperaturat e larta nuk e ndalen Imer Kurtishin që të bëhet pjesë e maratones së vrapimit.
Kurtishi, i cili është mbi të 40-at fitoi vendin e parë, në kategorinë e veteranëve.
I gjithë ky organizim po mbahet për nder të Ditës së Çlirimit të qytetit të Ferizajt.
“Ndjenjë e veçantë, pasi që është si datë e veçantë, që 25 vjet jemi bo shtet diçka e mirë, më vrapu për shtetin për policinë tonë është e mirë”, tha Kurtishi.
E të vështirë nuk e pati as Besim Haziri i cili është pjesëmarrës i mbi 15 maratonave të vrapimit.
“Jo nuk e kam të vështirë se është shumë e shkurtë, unë vrapoj në gara 21 kilometër, i kam kry mbi 15 maratona, por vetë, deshtë te solidarizohem me Policinë e Kosovës”, tregoi Haziri.
E pjesë e vrapimit ishte edhe Afërdita Haxholli, e cila edhe pse është me aftësi të kufizuara, nuk i ndali asaj vrapimin. Dhe ka një mesazh për të gjithë.
“Do të jap një mesazh personave me pengesa në zhvillim, që vetëm të vazhdojnë që edhe na kem të drejtë, se edhe na jemi të barabartë me gjithë të tjerët”, tha Haxholli.
Zëdhënësi i Policisë së Kosovës, Kanun Veselaj, tregon qëllimin e këtij aktiviteti.
“Përveç që është aktivitet sportiv e rekreativ është edhe human, mjetet e grumbulluar do të shkojnë për familje me nevoje që do të përzgjidhen nga qendra për punë sociale”, thotë ai.
Organizatorët shprehën të lumtur me pjesëmarrjen në këtë aktivitet.
“Së bashku me Policin tonë, dhe Kuvendin e të rinjve tonë kemi bërë shitjen e fanellat, ato para të cilat do mblidhen do të shkojnë për familjet me nevojë, jam shumë i lumtur që kam marrë pjesë në këtë minimaratona, është hera e parë por shpresoj që do të marr pjesë edhe herëve të tjera”, tha Diar Kamberi nga Qendra e Inovacionit “Flutura Akademi”.
“Ka pas një interesim jashtëzakonisht të madh tq qytetarëve, ka pas interesim prej të gjithave moshave”, tha sekretarja e Kuvendit të Rinjve të Ferizajt, Vlora Gashi.
Nën përcjellën e Policisë, fëmijë, gra e burra morën pjesën në minimartonën “Vrapojmë me Policinë tonë” në Ferizaj.
Ky është edicioni i 7 i kësaj minimaratone në të cilën morën pjesë mbi 250 persona.
