Kryetari i Federatës së Futbollit të Kosovës, Agim Ademi ka konfirmuar se do të jetë në Beograd, të enjten.
Kryeqyteti serb pret Kongresin e 49-të të UEFA-s, i cili do të mirëpresë presidentët, sekretarët e përgjithshëm dhe zyrtarët e 55 federatave që janë nën ombrellën e UEFA-s.
Kongresi fillon të enjten në mëngjes në Qendrën Sava në Beograd.
Krahas zgjedhjes së tetë anëtarëve të rinj të Komitetit Ekzekutiv të UEFA-s, në agjendën e këtij kongresi janë përfshirë edhe disa pika të tjera të rëndësishme të rendit të ditës që do të diskutohen dhe votohen.
