Këngëtarja shqiptare Rita Ora ka befasuar ndjekësit me një pamje të re dhe një paraqitje energjike gjatë turneut të Kylie Minogue në SHBA.
Në disa foto të postuara në Instagram, Rita u shfaq me paruke të zezë dhe veshje neoni, ndërsa pozonte me vetëbesim në dhomën e hotelit në Arizona.
Gjatë koncertit në Miami, ajo interpretoi hitet e saj dhe surprizoi publikun me këngën e re “HEAT”, që pritet të publikohet së shpejti.
Rita është pjesë e turneut “Tension” si e ftuar speciale dhe do të shoqërojë Kylie në koncertet e ardhshme në SHBA.
Interesant është fakti se hiti “Padam Padam” fillimisht i ishte ofruar Ritës, para se të bëhej sukses ndërkombëtar nga Kylie./TAR
