Qytetarët e komunës së Obiliqit vazhdojnë të ballafaqohen me ndotje të ambientit e ajrit, kjo për shkak nga tymi i madh që po krijohet nga djegia e plastikëve e materialeve të dëmshme për ambientin në hapësirat e brendshme dhe përreth Korporatës Energjetike të Kosovës. Kjo gjendje është krijuar edhe gjatë ditës së djeshme nga Termocentrali “Kosova A”, e cila ka vazhduar pothuajse gjithë ditën. Kështu thonë qytetarët nga kjo komunë, për çfarë kërkojnë edhe zgjidhje të këtij problemi të kamotshëm. Megjithatë, nga komuna zotohen se do të bëjnë përmirësim të gjendjes.
Të shqetësuar me këtë dukuri janë qytetarët. Qytetarja, Zelushe Kelmendi, derisa shprehet e shqetësuar për ndotjen e ambientit që po bëhet në këtë komunë, thotë se tymi i shkaktuar dje ka zgjatur pothuajse gjithë ditën.
“Erërat kanë qenë të forta, sa jo vetëm Obiliqin, por në gjitha anët ka shkaktuar problem…Ka pasur ndotje të madhe, kjo edhe për shkak erës të fortë…gati gjithë ditën ka qenë”, thotë Kelmendi.
Kështu kanë thënë edhe qytetarët tjetër prapa kamerave të KosovaPress-it.
Në anën tjetër, kryetari nga kjo komunë, Xhafer Gashi ka thënë se vazhdimisht janë duke i shprehur shqetësimet e tyre ndaj këtyre dukurive, porse shton se KEK-u duhet të ketë përmirësime në këtë drejtim.
“Zakonisht i shprehim shqetësimet ndaj këtyre dukurive të KEK-ut në vazhdimësi dhe mbesim me shpresë që KEK-u t’i përmirësojë”, thotë Gashi.
Ndërkaq, drejtoresha për Mbrojtje dhe Mjedis në Komunën e Obiliqit, Fitore Hashani ka thënë për KosovaPress se ndotja e djeshme ka ardhur si pasojë e ndezjes së zjarreve, plastikeve, e materialeve të dëmshme për ambientin.
“Kemi pas disa shqetësime edhe me disa djegie që po bëhen nga shkelësit e ambientit, kryesisht në rrethinën e KEK-ut, që këto javët e fundit na kanë shqetësuar goxha si shumë në mungesë të inspektoratit të ambientit ne po mundohemi të bëjmë zgjidhje, edhe pse jemi në koordinim me ministrinë dhe KEK-un që këto gjëra negative të eliminohen, mirëpo nuk është që ja kemi dalë qind për qind. Kemi pas ndezje të zjarreve dhe të plastikeve e materialeve të dëmshme për ambientin në hapësirat e brendshme dhe përreth KEK-ut. Ne i kemi të vazhdueshme shkresat dhe gjithçka, po mundohemi me KEK-un t’i eliminojmë apo zbusim, por për shkak të teknologjisë së vjetër të KEK-ut ende nuk kemi arritur”, thotë Hashani.
Lidhur me këtë problem, zëdhënësi KEK-u, Skender Bucolli, ka thënë se ky institucion është konstant dhe duke investuar e punuar në këtë drejtim, porse ka shtuar se janë edhe gurthyesit dhe industria tjetër që po ndikojnë në ndotje të ambientit.
“KEK-u vetëm në rastet kur ka startim të njësive, që është e natyrshme që çdo njësi prodhuese kur të fillojë, është e ftohtë, e ka rreth katër orë derisa të stabilizohet, përndryshe KEK-u është konstant…Nuk është veç KEK-u por edhe gurëthyesit dhe industria tjetër…01:48 Ndërsa procesit të fillimit nuk mund t’i ikësh asnjë njësi në botë…02:02 Janë duke ndërmarrë masat, është investuar, tash po presim kemi projektin 76 milionë euro, që të ndërrohen elektricitet në “Kosovën B”, është projekti i impianteve të ujit…KEK-u ka investuar mbi 60 milionë mjete vetanake në elektricitet të “Kosova A”, në mbulimin e kodrës prej 250 hektar që ka qenë depononi e trashëguar, e kemi gjetur ashtu, e me radhë”, ka thënë Bucolli.
KEK-u vazhdimisht ka qenë ndotësi më i madh në Obliqi dhe rrethinë, për çka ishte konstatuar se është alarmante për mjedisin dhe shëndetin e qytetarëve./kp
