Vit me intensitet të lartë, vlerësohet viti 2023 në ndjekjen e krimeve të luftës në Kosovë. Vetëm gjatë këtij viti janë ngritur 14 aktakuza, që disa prej tyre përfshijnë edhe gjykimin në mungesë. E këto lëndë, tani llogaritet të jenë sfiduese për gjykatat e vendit.
Dhjetëra dosje të tilla, janë deponuar në gjykatë.
12 muajt e vitit 2023, llogaritet të kenë qenë periudha me më së shumti rezultate në ndjekjen e krimeve të luftës në Kosovë.
14 aktakuza janë ngritur vetëm këtë vit, duke e çuar numrin total të aktakuzave për krime lufte të ngritura nga Prokuroria Speciale e Kosovës, në 33.
Ky intensitet i prokurorisë, vlerësohet të jetë sfidues për gjykatat.
Angazhim nga gjyqësori rreth këtyre lëndëve, presin edhe kategoritë e dala nga lufta.
Në vazhdimësi si problematike në hetimin e krimeve të luftës në Kosovë, janë adresuar numri i vogël i prokurorëve dhe mosbashkëpunimi me Serbinë.
