Kosova më 27 Shkurt do të përballet me Norvegjinë në palestrën “Minatori” te Mitrovicës. Takimi që zhvillohet nga ora 19:00, është në kuadër të rrethit të parë të parakulifikimeve për FIBA Eurobasket 2025.
Në sfidën e parë mes tyre fitoi Norvegjia me shifrat 86:77 dhe Dardanët duhet të fitojnë me dhjetë pikë dallim, në mënyrë që të jenë më të mirë në ndeshjet direkte.
Ndërkohë, Kosova arriti një fitore të madhe, duke mundur Danimarkën me shifrat 78:33. Në Grupin C, fillimisht më 24 Shkurt, do të zhvillohet dueli mes Danimarkës dhe Norvegjisë, ndërsa më 27 Shkurt zhvillohet përballja Kosova-Norvegjia.
Më 30 Qershor zhvillohet sfida mes Danimarkës dhe Kosovës, kurse më 3 Korrik dueli i fundit në grup ndërmjet Norvegjisë dhe Danimarkës.
Momentalisht, Norvegjia ka një fitore, Kosova një fitore dhe një humbje, si dhe Danimarka një humbje. Vendi i parë kualifikohet në rrethin e ardhshëm, si vendi i dytë më i mirë nga tri grupet.
