Ndeshja e tij e 750 me fanellën e Bayernit dhe e 502-të në Bundesligë, që do të thotë dhe ndeshja e fundit para tifozëve të tij kundër Borussia Monchengladbach (sot, ora 18:30).
Ndonëse njihet si një personazh plot humor, me siguri që sot do të jetë ndryshe për të. Sot do të jetë momenti më emocional për Thomas Mullerin gjatë kohës së tij te Bayerni. “Është pothuajse pak më e veçantë për njerëzit – tha 35- vjeçari para lamtumirës së tij të madhe – sepse ata do të më shohin më pak – unë e shoh veten çdo ditë”. Dhe është për të ardhur keq që ky humor do të mungojë në të ardhmen. Menaxhmenti i klubit të Mynihut dhe sigurisht tifozët do t’i dhurojnë Mullerit një lamtumirë të paharrueshme në arenë – një tjetër moment kulmor.
