Në orët e para të së dielës ka ndërruar jetë në Qendrën Klinike Universitare të Kosovës (QKUK) një person që ishte lënduar rëndë në vendin e tij të punës.
Sipas Policisë, rasti ka ndodhur të shtunën në rrethana të panjohura në një fabrikë të tullave në Gjakovë, ndërsa viktima fillimisht ishte dërguar për trajtim mjekësor në Qendrën Emergjente atje.
Me vendim të prokurorit trupi i pajetë i viktimës bëhet e ditur se është dërguar në Institutin e Mjekësisë Ligjore (IML) për obduksion.
“Viktima m/k në vendin e tij të punës në një fabrikë të tullave në rrethana të panjohura ka pësuar lëndime të rënda. Viktima fillimisht është dërguar për tretman mjekësor në QE-Gjakovë dhe pastaj në QKUK, mirëpo dyshohet për shkak të lëndimeve të rënda, rreth orës 00:20’ të datës 06.07.2025 ka ndërruar jetë. Me vendim të prokurorit trupi i pajetë i viktimës është dërguar në IML për obduksion, ndërsa njësitet policore janë duke hetuar rastin”, thuhet në raportin 24-orësh të Policisë./teve1.info/
