Stilisti i njohur nga Kosova, Valon Pestisha është ndarë nga jeta mëngjesin e së premtes.
Lajmi është bërë i ditur nga miq, familjarë e bashkëpunëtorë të tij në rrjetet sociale, gjersa ende nuk është bërë i ditur shkaku i vdekjes.
Ambasadorja e Vullnetit të Mirë, Elvana Shala, ka konfirmuar po ashtu vdekjen e tij duke thënë se puna dhe dizajnët e tij do të jetojnë përjetë.
“Valon ma këpute shpirtin! Bashkëpunëtori dhe dizajneri im prej shumë vitesh, njeriu që u kujdes për secilën paraqitje timen publike deri në detajin e fundit Valon Pestisha na la përjetë sot! Valon ma këpute shpirtin, ike shumë herët duke ndërprerë në gjysmë çdo ëndërr tënden.
Ngushëllime të sinqerta familjes! Pusho në paqe shoku sepse puna dhe dizajnët tuaja do të jetojnë përjetë”, ka shkruar Shala.
