Një këmbësor ka vdekur një javë pas një aksidenti të rëndë trafiku që kishte ndodhur në rrugën “Ibrahim Mazreku” në Malishevë.
Sipas Policisë, viktima – një mashkull kosovar – ishte goditur nga një veturë më 15 korrik rreth orës 19:30 dhe që atëherë ishte duke u trajtuar në Qendrën Klinike Universitare të Kosovës (QKUK).
Fatkeqësisht, më 22 korrik ai ka vdekur si pasojë e plagëve të marra.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion.
“Rr. Ibrahim Mazreku, Malishevë 15.07.2025 – 19:30. Raportohet se më 22.07.2025 në QKUK, ka ndërruar jetë viktima mashkull kosovar, i cili ishte duke u trajtuar pasi ishte goditur nga një veturë më 15.07.2025. Me vendim të prokurorit, trupi i pajetë është dërguar në IML për obduksion”, thuhet në raportin e policisë.
