23:30 Rumania dyfishon epërsinë ndaj Kosovës
Rumania ka dyfishuar epërsinë ndaj Kosovës. Në minutën e 92′ për 2:0 shënoi Mihailan.
23:20 “Thyhen” dardanët, rumunët në epërsi
Rumania është duke avansuar me rezultat 1:0 ndaj Kosovës në Bukuresht. Nicolae Stanciu në minutën e 82′ i jep epërsinë ekipit vendas.
— Kosova (@Kosova402429153) September 12, 2023
22:40 Nis pjesa e dytë, pa ndryshime te Kosova
Kosova ka hyrë pa zëvendësime në pjesën e dytë, derisa te ekipi vendas Denis Alibec ka hyrë në vend te George Pușca
22:27 Pa gola pjesa e parë në Bukuresht
Nuk janë shënuar gola në pjesën e parë të ndeshjes Rumani – Kosovë. Kosovën e pret një pjesë e dytë shumë e vështirë. Do të luaj ne një lojtar më pak në fushë pas përjashtimit të Vedat Muriqit.
22:22 Muriqi lë në “baltë” shokët, përjashtohet nga loja
Vedat Muriqi është përjashtuar në ndeshjen ndaj Rumanisë. Në minutën e 42-të sulmuesi është përjashtuar pas kartonit të dytë të verdhë. Edhe kartonin e dytë e mori për goditje me bërryl.
21:17 Shansi i artë për Kosovën, por Muriqi nuk përfiton nga “dhurata”
Kosova i është afruar golit ndaj Rumanisë. Në minutën e 29-të, Vedat Muriqi rrezikoi, por topi u largua nga afërsia e portës.
21:57 Rinis ndeshja në Bukuresht
Ndeshja mes Rumanisë dhe Kosovës ka rinisur pas një ndërprerje që zgjati rreth 50 minuta. Është tërhequr vërejtje se nëse ka sjellje tjera diskriminuese ndeshja do të ndërpritet plotësisht.
21:53 Ndeshja pritet të nis së shpejti
Futbollistët janë rikthyer në fushë, ka 10 minuta ngrohje. Prezantuesi i arenës paralajmëroi edhe një herë se incidenti i radhës do ta ndërpresë ndeshjen përgjithmonë.
21:50 Pritet largimi i tifozëve
Pritet largimi i huliganëve rumunë nga stadiumi në Bukuresht. GSP.ro ka raportuar se tashmë xhandarmeria po bëhet gati për largimin e huliganëve që shpalosën panon Kosova është Serbi.
Tashmë është formuar një korridor përmes të cilit huliganët mund të largohen nga stadiumi.
21:47 Grupi rumun del me postim
Grupi i huliganëve rumunë, Uniti sub tricolor, doli me postim pasi u kujdes që të ndërpritet ndeshja mes Rumanisë dhe Kosovës.
“Ua kemi thënë në Prishtinë. Ua kemi thënë edhe këtu. Kosova është SERBI”, kanë shkruar huliganët rumunë. Ndeshja pritet të vazhdojë për pak minuta.
21:35 Zyrtarisht ndeshja në Bukuresht suspendohet
Zyrtarisht ndeshja mes Rumanisë dhe Kosovës është suspenduar. Tani pritet vendimi i UEFA-s nëse ndeshja do të vazhdojë.
21:14 Ndërpritet ndeshja në Bukuresht
Është ndërprerë ndeshja mes Rumanisë dhe Kosovës. Huliganët rumunë kanë shpalosur pano anti-Kosovë. Kapiteni i Rumanisë ka shkuar që të flasë me huliganët rumunë. Ata kanë paralajmëruar veprime anti-Kosovë në ndeshje. Francezi Delajod me pas pezulloi ndeshjen. Një pankartë e palejueshme e ultrasve rumunë “Kosova është Serbi”, nuk hiqet nga stadiumi. Arbitri fton skuadrat në dhomat e zhveshjes.
