Kompania Rajonale e Ujësjellësit “Prishtina” ka njoftuar se disa pjesë të kryeqytetit kanë mbetur pa ujë si pasojë e një defekti teknik të papritur në rrugën “Luan Haradinaj”.
Sipas kompanisë, ndërprerja do të zgjasë deri në sanimin e problemit.
“Ju njoftojmë se për shkak të një defekti të papritur në rrjetin e ujësjellësit në rrugën ‘Luan Haradinaj’ do të ketë ndërprerje të furnizimit me ujë deri në sanimin e problemit”, thuhet në njoftimin e KRUP-it.
Kompania ka bërë të ditur edhe lagjet që do të preken nga kjo ndërprerje.
“Pa furnizim me ujë do të mbesin këto rrugë: rruga ‘Luan Haradinaj’, ‘Qendra’, ‘Dardania’, një pjesë e lagjes ‘Kalabria’”, thuhet më tej në njoftim.
Ekipet e ujësjellësit tashmë janë në terren duke punuar për zgjidhjen e problemit.
