Shtëpia e Kulturës “Gursel e Bajram Sylejmani” në Komunën e Vitisë të hënën u mbush plot.
Përfaqësues politik e qytetarë të shumtë u mblodhën për të kujtuar dëshmorin Njazi Ramiz Rexhepi, në 25 vjetorin e rënies së tij në betejën e Koshares.
E kjo akademi përkujtimore në Viti filloi me një rrëfim për jetën e tij.
Për të nderuar sakrificën e dëshmorit Rexhepi, para të pranishmëve foli ish-presidenti, Fatmir Sejdiu.
Kurse kryeministri i Kosovës, Albin Kurti, përcolli përshëndetjet dhe nderimet e tij përmes një telegrami.
Veprën e Njazi Rexhepit e kujtoi edhe profesor. doktor. Lulzim Tafa.
Edhe bashkëluftëtarët e Njaziut, nderuan sakrificën e dëshmorit të qytetit të Vitisë.
E në emër të familjes, për Njaziun foli i vëllai, Fahrush Rexhepi.
Në nderim të dëshmorit Njazi Ramiz Rexhepi, emrin e tij e mban shkolla në Sllatinë të Epërme në Viti.
