Prokuroria Themelore në Prishtinë ka njoftuar sa ka ndaluar punime në disa lokacione në Fushë- Kosovë për shkak të mungesës së sigurisë në vendin e punës dhe rrezikimin e jetë së qytetarëve.
Prokuroria ka bërë të ditur se janë bërë inspektime për një aksident në një vend pune në Mazgit të Obiliqit.
“Në vendin e ngjarjes ka dalë Koordinatori për rastet e veprave penale qe ndërlidhen me sigurinë në vendin e punës, njëherit prokuror në Prokurorinë Themelore në Prishtinë së bashku me Inspektorët e ndërtimit, të cilët kanë ndërmarrë të gjitha veprimet e nevojshme për parandalimin e pasojave të mundshme gjatë punës dhe rritjes së nivelit të sigurisë në vendin e punës, ku për shkak të mos ndërmarrjes së masave të përgjithshme të sigurisë dhe shëndetit në punë, mungesës së skelave, mos mbylljes së ashensorëve dhe mos mbylljes së shkallëve, janë ndaluar punimet në disa vendpunime”, thuhet në komunikatë.
