Drejtoria Komunale e Arsimit në Vushtrri që nga dita e martë ka ndaluar përdorimin e telefonave në shkolla gjatë procesit mësimor. Si nxënësit ashtu edhe prindërit e mirëpritën këtë vendim të DKA-së.
Që nga e marta, nxënësit e shkollave në Vushtrri, nuk do mund t’i përdorin më telefonat gjatë procesit mësimor.
Kjo për shkak të vendimit që mori Drejtoria Komunale e Arsimit.
E i pari i kësaj drejtorie, Albanez Tahiraj tha për tëvë1 se këtë vendim e morën për të ruajtur mirëqenien dhe sigurinë e nxënësve.
“Pasi që kohët e fundit shumë lojëra online sfiduese për nxënësit janë duke u demonstruar dhe duke u praktikuar nga ta .02:06-02:18Kjo masë preventive është masë e cila ka për qëllim të zhdukë gjuhën e urrejtës, dhunën, bullizimin si dhe vet lëndimet e shumta që po ndodhin tek nxënësit”, ka deklaruar ai.
Tahiraj tregoi edhe se si veprojnë në rastet kur nxënësit kanë ndonjë urgjencë.
“Lidhur me nevojat urgjente të nxënësve për të komunikuar me familjarët e tyre, dihet fakti që brenda institucioneve shkollore ka alternativa të shumta që komunikimin mund të realizojnë pa asnjë problem duke përfshirë kujdestarin e klasës por edhe mësimdhënësit e tjerë. Mirëpo edhe secila shkollë po thuajse ke telefona statik në ambientet e tyre”.
E këtë vendim e mirëpritën edhe vet nxënësit.
“Tash e mas nuk do të përdori telefonin për shkak të vendimit të shkollës”, tha nxënësi Blerjan Zhegrova.
Kurse sipas nxënëses Enisa Krasniqi, ky vendim ka qenë edhe më herët.
“Përdorimi i telefonave në shkollën tonë ka qenë edhe më herët i ndaluar. Ka pasur përdorim të telefonave vetëm në raste urgjente familjare ku kemi kërkuar leje për të telefonuar”.
Ndërsa me këtë vendim janë të kënaqur edhe prindërit.
Sipas Fevzi Feratit, ky vendim është marrë shkak i rasteve të fundit që po ndodhin në rrjetin social TikTok.
“Ky është udhëzim shumë i mirë i DKA-së që e kanë marrë, e mirëpresim”.
Përdorimi i telefonave gjatë procesit mësimor është ndaluar edhe në shumë Komuna të Kosovës.
