Drejtori i Shërbimeve Publike në Fushë-Kosovë, Maliq Berisha, është ndaluar nga Prokuroria Themelore në Prishtinë, nën dyshimin për “Keqpërdorim të pozitës apo autoritetit zyrtar”.
Sipas Prokurorisë ai është ndalur për 48 orë.
“Prokuroria Themelore në Prishtinë, njofton opinionin publik se Prokurori i Shtetit ka lëshuar aktvendim mbi ndalimin e M.B., Drejtor i Shërbimeve Publike në Komunën e Fushë Kosovës, për shkak të dyshimit se ka kryer veprën penale “Keqpërdorimi i pozitës apo autoritetit zyrtar”, sipas KPRK-së. I dyshuari i lartcekur është ndaluar me urdhër të prokurorit në kohëzgjatje prej 48 orësh, derisa ndaj të njëjtit do të ndërmerren veprime të mëtejme ligjore, si dhe për këtë çështje penale do të vazhdojë ndërmarrja e veprimeve hetimore në koordinim me Policinë”, thuhet në komunikatë./teve1.info/
