Dogana e Kosovës ka zbuluar dy raste të kundërvatjtjeve doganore.
Dogana ka thënë se në brezin kufitar që lidh fshatin Breznice të Serbisë dhe Karaqevën e Poshtme të Kosovës është ndaluar një veturë Passat me targa serbe.
Në veturë janë gjetur pije alkoolike, që i dyshuari tentoi t’i kontrabandonte në Kosovë.
“Gjatë kontrollit të automjetit është parë se i njëjti kishte ngarkuar mallra të fshehta (pije alkoolike – birra) me tentim për t’i kontrabanduar. Po ashtu nga njësitet e Doganës është kryer një kontroll në një lokal ku ishin të destinuara mallrat ku edhe aty janë hasur pije alkoolike me prejardhje nga Serbia pa dokumentacion përkatës”, thuhet në njoftim.
Ndërkohë, mallrat janë sekuestruar dhe rasti është duke u trajtuar nga njësitet relevante të Doganës së Kosovës./teve1.info/
