Një person të shtunën është ndaluar në pikën kufitare në Bërnjak, pasi që gjatë kontrollit të dokumenteve të veturës, është vërejtur se libreza e qarkullimit të veturës e lëshuar nga autoritetet e Serbisë dyshohet se është e falsifikuar.
Sipas raportit të policisë, thuhet se përmes lexuesit të dokumenteve është verifikuar kodi elektronik i librezës, por nuk ka shfaqur të dhëna.
Policia ka bërë të ditur se i dyshuari është intervistuar dhe me vendim të prokurorit është liruar në procedurë të rregullt.
“SPK Bërnjak 10.02.2024 – 18:20. Policia në hyrje të PKK-së, gjatë kontrollimit të dokumenteve të veturës së të dyshuarit mashkull kosovar, ka vërejtur se libreza e qarkullimit të veturës e lëshuar nga autoritetet e Serbisë dyshohet se është e falsifikuar. Përmes lexuesit të dokumenteve është verifikuar kodi elektronik i librezës, por nuk ka shfaqur të dhëna. I dyshuari është intervistuar dhe pas inicimit të rastit me vendim të prokurorit është liruar në procedurë të rregullt”, thuhej në raport./teve1.info/
