Prokuroria Themelore në Ferizaj, ka njoftuar se një person i dyshuar për veprat penale “kontrabandim me migrantë” dhe “mashtrim” është ndaluar për 48 orë.
Sipas komunikatës, ndaj të dyshuarit F.H., do të vazhdohet me procedura hetimore të mëtejshme.
“Prokuroria Themelore në Ferizaj, Departamenti për Krime të Rënda, me vendim të Prokurorit të Shtetit, ka ndaluar në kohëzgjatje prej 48-orësh, një (1) person të dyshuar me iniciale F.H., për shkak të dyshimit se i njëjti ka kryer veprat penale “Kontrabadimi me migrantë” nga neni 164 paragrafi 2 lidhur me paragrafin 1 të Kodit Penal të Republikës së Kosovës dhe “Mashtrimi” nga neni 323 paragrafi 1 të KPRK-së. Prokuroria Themelore në Ferizaj, ndaj të dyshuarit të lartëcekur do të vazhdojë me procedura të mëtejme hetimore”, thuhet në komunikatë./teve1.info/
