Një person, shtetas i Shqipërisë është ndaluarnga Policia e Kosovës në lidhje me plantacionin e narkotikëve që janë gjetur në shtatorin e kaluar në fshatin Sferkë të Klinës.
Policia e Kosovës atë kohë kishte konfiskuar mbi 1 ton drogë të llojit kanabis, vlera e të cilit shkonte në mbi 5 milionë euro.
Kështu ka bërë të ditur për teve1.info, zëdhënësi i Prokurorisë Themelore në Pejë, Shkodran Nikçi.
“Është ndaluar një person në Vërmicë, i cili dyshohet për kultivim të narkotikëve, përkatësisht për kultivimin e mbi 3 mijë kg narkotik në fshatin Sfërkë të Klinës. Është shtetas i Republikës së Shqipërisë. I njëjti është ndaluar me urdhër të Prokurorit të Shtetit, ndërkohë prokurori i shtetit është duke e përpiluar kërkesën për caktimin e masës së paraburgimit”, njoftoi Nikçi.
Në lidhje me rastin, njësitë relevante policore patën arrestuar të dyshuarin Aleks Gerbi, shtetas shqiptar.
