Dy shtetas serbë janë ndaluar për 48 orë dhe ndaj tyre kanë filluar hetime pas prezantimit si persona zyrtar të Serbisë.
Ata janë arrestuar nga Policia në bashkëpunim me Prokurorinë e Shtetit në Prizren.
Zëdhënësi i Policisë për rajonin e Prizrenit, Shaqir Bytyqi ka bërë të ditur se për këtë rast janë intervistuar edhe disa persona të tjerë në cilësinë e dëshmitarëve të cilët janë liruar.
“Policia rajonale Prizrenit në bashkëpunim me Prokurorinë e Shtetit në Prizren ka ndaluar dhe ka nisur hetime ndaj dy personave te komunitetit serb cilët janë prezantuar si persona zyrtar shtetas te Republikës së Serbisë dhe te njëjtit ndalohen për 48 ore. Ndërsa ne cilësinë e dëshmitarëve janë intervistuar edhe disa persona te tjerë te cilët janë liruar”, ka thënë Bytyqi për Tëvë 1.
Tëvë1 mëson ekskluzivisht se ata janë, Llazar Stanojeviq dhe Stefan Radibijeviq.
Ministri në detyrë i Punëve të Brendshme, Xhelal Sveçla ka njoftuar se 12 persona janë ndaluar të dielën në Prizren të cilët ishin strehuar në një objekt fetar.
Ai ka thënë se dy nga ta kanë janë oficerë aktivë të shërbimeve të sigurisë serbe.
