Sot, producenti shqiptar i filmave, Gani Veseli, ka qenë i pranishëm në një seancë gjyqësore lidhur me moslejimin e publikimit të dy filmave shqiptarë “I pabesi” dhe “Heshtja Vret” në Serbi.
Veseli ka bërë të ditur se sot gjatë seancës gjyqësore, nga komisioni i formuar nga Shtëpia Filmike në Beograd është kërkuar që filmi “I pabesi” të mos shfaqet në Serbi për arsye që ka nxitje të urrejtjes, ndërsa filmit “Heshtja Vret” është propozuar që t’i hiqet skema e Kosovës.
“Prokuroi gjatë marrjes në pyetje dikur para një muaji në Bujanoc nga inspektorët, prokurorja ka marrë çështjen në dorë dhe i është drejtuar Ministrisë së Kulturës, ku pastaj kjo e fundit ka kërkuar nga Shtëpia Filmike në Beograd që të formojnë një komision, i cili pasi që është formuar ka dhënë një mendim që filmi i ‘I pabesi’ të mos shfaqet në Serbi për arsye që ka nxitje të urrejtjes ndërnacionale, fetare, dhe te filmi i dytë është propozuar që t’i hiqet skema e Kosovës dhe të vendoset +16”, tha ai në emisionin “Ditari” në Tëvë1.
Veseli deklaroi se në seancë ka thënë që stema e Qeverisë së Kosovës nuk mund të hiqet për arsye që ajo ka qenë investitori më i madh i filmit.
“Sot kam insistuar që komisioni të vlerëson filmin dhe të potencon se në cilin minutë ka të bëjë me diskriminimin dhe te logoja e Kosovës që paraqitet në film është stema e Qeverisë së Kosovës, është e Këshillit Nacional dhe e produksionit tim. Aty kam kërkuar që nuk mund të hiqet sepse është investitor i drejtpërdrejtë dhe kjo absolut është e paarsyeshme që të hiqet”, tha ai.
Tutje ai tregoi që më 4 gusht do të ketë rivlerësim për të dy filmat.
“Tashmë gjykatësja ka mbetur që të vendos më 4 gusht se çfarë do të jetë fati i filmave”.
Gjithashtu, Veseli ka bërë të ditur se premiera e dy filmave do të mbahet në Prishtinë./teve1.info/
Anulohen filmat shqiptarë të financuar nga Qeveria e Kosovës në Bujanoc
