Fondacioni Humanitar i Gazës (GHF) ka thënë se ka ndaluar përkohësisht shpërndarjen e ndihmave në Gaza për shkak të trazirave, sipas Reuters.
Fondacioni kontrovers i mbështetur nga Izraeli dhe SHBA-të tha se po punonte për të zgjidhur problemet për të garantuar sigurinë.
Të paktën tre palestinezë janë vrarë në Gaza pasi ushtria izraelite hapi zjarr mbi turmat e njerëzve që nxituan drejt një pike shpërndarjeje ndihmash.
Ky incident vdekjeprurës që ndodhi në qytetin jugor të Rafah të martën la 46 të tjerë të plagosur dhe shtatë të zhdukur, sipas autoriteteve në Gaza.
Zyra e Medias Qeveritare në Gaza dënoi veprimet e ushtrisë izraelite në Rafah.
“Forcat pushtuese, të pozicionuara në ose përreth atyre zonave, hapën zjarr të vërtetë ndaj civilëve të uritur që u joshën në këto vende me pretekstin e marrjes së ndihmës”, tha zyra në një deklaratë.
Zyra shtoi: “Ky incident ofron prova të pamohueshme të dështimit total të pushtimit izraelit në menaxhimin e katastrofës humanitare që ka krijuar qëllimisht.”
